Estratexia Forestal da Unión Europea
Conclusións do informe elaborado pola Comisión Europea
|
O pasado 10 demarzo de 2005 a Comisión Europea presentou unha comunicación dirixida ao Consello e ao Parlamento Europeo na que se pronuncia sobre o desenvolvemento da Estratexia Forestal aprobada en 1998. A seguir recóllense as conclusións principais e as propostas contidas nesta comunicación na que se recomenda a elaboración dun Plano de Acción Forestal para o ano 2006.
No seu conxunto, os principios e os elementos de base identificados en 1998 na estratexia forestal da UE, manteñen a súa vixencia. A xestión sostíbel dos bosques e o papel plurifuncional dos mesmos seguen sendo os principios centrais comúns; os programas forestais nacionais proporcionan un marco conveniente para executar tales principios e existe un amplo consenso sobre a crecente necesidade de integrar na política forestal as cuestións globais e intersectoriais.
A experiencia adquirida no período de aplicación amosa que os bosques e a silvilcultura poden contribuír a alcanzar os obxectivos de Lisboa de crecemento económico sostíbel e de competitividade, ben como os obxectivos de Gotemburgo relativos á salvagarda cuantitativa e cualitativa dos recursos naturais. Non obstante, para manter e optimizar esta contribución no futuro, cómpre pór en marcha a estratexia e o seu proceso de aplicación no contexto político recentemente creado. |
