Restricións ás plantacións forestais
Mª Cristina Verde Figueiras e Julio Ruiz Cagigal
Asociación Forestal de Galicia
|
Nos últimos anos sucedéronse múltiples
consultas das persoas asociadas á Asociación
Forestal de Galicia, derivadas da imposición de
multas e sancións por plantacións forestais en
terreos nos que non está permitido a plantación de
árbores para a produción de madeira.
Con tal motivo, elaboramos este breve artigo
no que trataremos de expoñer brevemente as
principais normas que impiden ou condicionan as
plantacións forestais. Non é un documento
exhaustivo, existen casos puntuais de parcelas
que poden estar sometidas a restricións que non
se recollen aquí.
Antes de proceder á realización dunha plantación
forestal cómpre verificar que o terreo obxecto
da repoboación é susceptible de ser repoboado, é
dicir que non hai ningún impedimento para este
tipo de uso segundo a lexislación vixente. En caso
de dúbida, consúltenos. |
