Que vai pasar coa avespa do castiñeiro en Galicia?
Francisco Javier Fernández de Ana Magán
Presidente da AFG
Ex xefe da sección de Fitopatoxía do CIF de Lourizán
|
A presenza do insecto cinípedo ( Dryocosmus kuriphilus)
que fai bugallas nas pólas do castiñeiro é a consecuencia
da capacidade que ten este insecto chinés de voar e ser
transportado en materiais de viveiro ou noutros vectores
como poden ser os camións ou mesmo o tren. A súa chegada
a Galicia xa era esperada desde que no ano 2005
este insecto arribou a Italia, na provincia de Cuneo, pasou
logo por Francia, chegou a Cataluña e hoxe xa está nalgunhas
comarcas da provincia de Ourense e Lugo.
A Xunta de Galicia editou un folleto, moi ben feito, no que
fai una pormenorizada descrición deste insecto, da súa
bioloxía e mesmo do sistema de loita biolóxica con parasitoides
como Torymus sinensis. Pola nosa parte non
compre que nos paremos a repetir o xa feito.
O que queremos tratar nesta curta referencia é que futuro
pode ter o castiñeiro na nosa terra ante ataques como
este que se está convertendo nunha pandemia pois xa
está presente na case a totalidade da área do castiñeiro
(China, Xapón, Corea, Nepal, EE.UU, Francia, Italia, Hungría,
Alemaña, Eslovenia, Suíza e España).
A experiencia dos países asiáticos na loita contra este mal
é moi importante e pódenos dar una orientación do que
pode acontecer no noso territorio nos vindeiros anos. Os
danos causados en Italia, Francia e outros países europeos
tamén nos encamiñan na estimación deste perigo. |
