O pasado 18 de setembro celebrouse a Asemblea Xeral de COSE onde se elixiu a Francisco Rovira Corominas como novo Presidente que substitúe a Nicasio Guardia Jiménez, que era Presidente dende a fundación de COSE en 1992 e que agora foi nomeado Presidente de Honor.
Francisco Rovira é o Presidente do Consorci Forestal de Catalunya e como tal viña ocupando a Vicepresidencia de COSE xunto con Xosé Represas Giráldez como Presidente da Asociación Forestal de Galicia.
Asemade é o Xerente do Centro Tecnolóxico Forestal de Cataluña centro que se dedica á investigación aplicada e á formación no ámbito forestal. COSE engloba neste momento a practicamente tódalas organizacións de propietarios forestais españolas e entre os seus obxectivos máis importantes agora mesmo está a implantación do sistema PEFC de certificación forestal en España. |
