Perspectivas do mercado da madeira en Galicia
Xosé Covelo Míguez
Xerente da unidade de comercialización de madeira de Selga
|
Na actualidade están aparecendo indicios de recuperación da crise no sector madeireiro. Despois de que case a totalidade da madeira do Klaus fose extraída, que bastantes serradoiros pechasen e do duro golpe ó mercado do ano 2009, estase observando unha lixeira melloría nos prezos da madeira.
Madeira de eucalipto
Nos últimos meses estase producindo unha subida do prezo do eucalipto para trituración debido á subida xeral do prezo da pasta nos mercados internacionais e, a escala galega, pola forte competencia das pasteiras foráneas e pola forte actividade exportadora.
Así, o mercado galego do eucalipto para pasta tivo no segundo trimestre do 2010 unha substancial melloría, acadando prezos medios próximos ós do ano 2008.
|
