Os propietarios forestais vascos promoven dúas iniciativas empresariais para superar a crise do sector a través dos novos usos e aproveitamento enerxético da madeira
|
Nun momento de crise xeral agravada polos ciclóns dos últimos anos, a aposta dos propietarios forestais vascos concrétase en incrementar o valor da madeira, diversificar o seu uso e aproveitar a oportunidade que representa a xeración de enerxía renovable a partir de biomasa forestal.
A asemblea xeral da Asociación de Forestalistas de Biscaia que tivo lugar o 30 de maio en Derio, acolleu a presentación de dous proxectos empresariais promovidos polos propietarios forestais cos que buscan superar a grave crise que atravesa o sector a través dos novos usos e o aproveitamento enerxético da madeira. Trátase, por un lado, da empresa de servizos enerxéticos Biotermiak S.L., que instalará sistemas de calefacción a partir de estelas, e por outro, de Torrebaso S.L., unha planta de modificación térmica que consigue novas aplicacións tecnolóxicas para a madeira obtida nos montes vascos.
|
