Primeira Central de biomasa forestal de España en Corduente (Guadalajara)
|
Iberdrola Renovables inaugurou o 29 de xullo de 2009 en Corduente (Guadalajara) a primeira central de biomasa forestal de España. Situada a carón do Parque Natural do Alto Tajo, trátase da primeira instalación do país que utiliza unicamente biomasa procedente de tratamentos silvícolas e de restos de corta para xerar enerxía eléctrica. A súa principal función é evitar incendios e pragas nos montes do contorno. No ano 2005 en Guadalajara produciuse un incendio no que arderon preto de 13.000 ha de monte e morreron 11 persoas do servizo de extinción de incendios.
O proxecto naceu cun triplo obxectivo: converterse nun elemento importante para a reactivación económica do Señorío de Molina de Aragón a través da creación de emprego e a contratación de empresas locais; velar polo mantemento deste paraxe natural e o seu ecosistema mediante o coidado dos seus montes; e contribuír a consolidar Castilla-La Mancha como un referente en enerxías limpas en España e Europa.
|
