As desmestas e os rareos nas plantacións forestais
Cristina Verde Figueiras
Braulio Molina Martínez
|
Cando se realiza unha plantación orientada á produción de madeira de calidade, utilízase habitualmente unha densidade de plantas por hectárea superior á que deberá ter no momento da súa corta, polo que, ao longo da quenda, deberemos ir diminuíndo a espesura, ata acadar unha densidade moito menor na idade adulta da repoboación.
Ao igual que ocorre cos recepes no caso das frondosas, somos conscientes do traballo que lle supón a algúns propietarios forestais facer as desmestas e os rareos, pero estes tratamentos son indispensables para conseguir que os pés mellor conformados medren os seus últimos anos con folgura abondo para engordar o máximo posible e producir unha madeira de boa dimensión, sen competencia doutros peor conformados.
|
