A AFG inicia a súa actividade na Cormarca de Lemos
|
O Concello de Monforte de Lemos e a Asociación Forestal de Galicia chegaron a un acordo para prestarlle servizos de asesoramento e asistencia técnica ós propietarios particulares e ás comunidades de montes veciñais en man común da comarca de Lemos.
Mediante este acordo o concello de Monforte cede un local para que os técnicos AFG poidan atender ós silvicultores da comarca de Lemos todos os primeiros e terceiros martes de cada mes. A presentación deste novo servizo tivo lugar o pasado 16 de xuño a cargo do alcalde de Monforte de Lemos Severino Rodríguez Díaz e do presidente da AFG, Xosé Represas Giráldez. O acto contou coa presenza dun nutrido grupo de propietarios forestais e membros das xuntas rectoras das comunidades de montes veciñais en man común do sur de Lugo e tivo unha ampla repercusión nos medios de comunicación da comarca. |
