Programa de formación 2009
|
A Asociación Forestal de Galicia organizou durante a primavera e o outono de 2009 un programa formativo dirixido fundamentalmente a silvicultores e comuneiros de comunidades de montes veciñais en man común.
Este ano programáronse catro cursos de cinco horas de duración e nove de oito horas e media que se realizaron en trece localidades galegas: Cerdido, Cesuras, Carballo, Boqueixón e Arzúa na Coruña, O Valadouro, A Fonsagrada, A Pastoriza, Baralla, Bóveda e Samos en Lugo, e Barro e Ponteareas en Pontevedra.
Os temas abordados foron a sanidade forestal, a silvicultura de frondosas, os outros aproveitamentos do monte distintos da madeira e a normativa sectorial e a fiscalidade na xestión do monte. |
