Plantación mixta
madeira-biomasa
Francisco Dans del Valle
Enxeñeiro de Montes, director da AFG
|
As técnicas de plantación forestal e os tratamentos silvícolas teñen unha gran transcendencia
no proceso de produción de biomasa con fins enerxéticos, proceso que non ten precedentes
en Galicia porque condicionan durante moitos anos a posibilidade de aproveitar un produto a un
custo asumible. É, polo tanto, esencial divulgar entre os silvicultores novas técnicas que fagan viable
o aproveitamento da biomasa sen renunciar ao aproveitamento tradicional da madeira.
Por outra parte, a diminución progresiva de rendibilidade dos montes orientados á produción
exclusiva de madeira para a industria tradicional esixe cada vez máis potenciar de forma complementaria
novos aproveitamentos que sexan compatibles e que non requiran períodos tan longos de
colleita. Os aproveitamentos da biomasa obtida en operacións silvícolas e nas cortas de madeira son
sen dúbida unha alternativa sólida e de moi boa perspectiva para o monte galego. |
