A ferruxe do piñeiro,
un novo dano nas plantacións de Pinus pinaster
Francisco J. Fernández de Ana Magán e Ascensión Castro Batán
|
O piñeiro bravo (Pinus pinaster) ademais de ser a especie forestal maiormente empregada en Galicia é tamén a que mellor se comporta desde o punto de vista sanitario.
Ainda así, como en moitos outros cultivos forestais, cada día xurden novos problemas sanitarios maiormente vencellados ás plantacións intensivas.
Unha destas novas doenzas, coñecida como a “ferruxe do piñeiro”, é causada polo fungo Endocronartium pini Pers. (Peridermium pini Pers.) detectada recentemente nun predio de Lalín onde o tipo de dano e a intensidade do ataque é merecente dunha análise pormenorizada por mor de que pode chegar a ser máis abondosa e perigosa no futuro.
|
