Inauguración da planta fotovoltaica do Centro Cultural de Xinzo-Ponteareas
|
O pasado día 6 de maio o Excmo. Conselleiro de Innovación, Industria e Comercio, Juan Rodríguez Yuste, inaugurou a planta fotovoltaica do Centro Cultural de Xinzo-Ponteareas.
Este proxecto inscríbese dentro do proceso de difusión do aproveitamento das enerxías renovábeis que está realizando a Asociación Forestal de Galicia a través da súa empresa Selga, S.L. A iniciativa foi posta en práctica mediante un convenio coa Comunidade de Montes de Xinzo e contou cunha axuda da Consellería de Innovación, Industria e Comercio.
No acto inaugural estiveron presentes, entre outras autoridades, o Director Xeral de Industria, Enerxía e Minas, Ramón Ordás Badía, o alcalde de Ponteareas, Salvador González Solla, e o Presidente da Asociación Forestal de Galicia. |
