Mercado da madeira en Galicia
Xosé Covelo Míguez
Xerente da unidade de comercialización de madeira de Selga
|
Eucalipto. Ence pecha Huelva e os portugueses deixan Galicia. No pasado mes de abril producíase a xa comentada baixada de 3,5 euros por tonelada aplicada de forma unilateral polas pasteiras con maior peso específico en Galicia. Houbo malestar no sector, tanto nos propietarios forestais como nas empresas de aproveitamentos e rematantes, mesmo cunha folga de subministro de materia prima ás industrias que tomaran esa decisión.
Ao cabo dun mes, finalmente as empresas remataron coa folga e volveron subministrar a condición de que a industria establecese un prazo máis ou menos amplo de respecto do prezo anterior para as operacións xa pechadas. Os propietarios forestais principalmente do norte de Galicia permaneceron coa parada no subministro, mentres que aqueles asociados que contaban con algún tipo de convenio que foi respectado, seguiron comercializando. |
